Каміла Рэкабаррэн (Camila Recabarren) нарадзілася ў горадзе Кап'япа, які знаходзіцца ў паўночнай частцы Чылі, у 680 км ад сталіцы краіны. З юных гадоў яна вылучалася сярод аднагодкаў прыгажосцю.
Каміла скончыла каледж у мястэчку Сан-Нікалас. Зараз яна вучыцца ва ўніверсітэце горада Ла-Серэна (Universidad del Mar), дзе асвойвае прафесію радыё- і тэлежурналіста.
Магчымасць пазмагацца за званне самай прыгожай дзяўчыны планеты ў Камілы з'явілася пасля ўдзелу ў рэаліці-шоу "No Basta Con Ser Bella" (недастаткова быць толькі прыгожай) на тэлеканале "13". Набраўшы максімальную колькасць SMS-галасоў, яна атрымала тытул "Міс Чылі 2012" і пуцёўку ў кітайскі Ордос на "Міс Свету 2012".
Напярэдадні фіналу аднаго з галоўных конкурсаў прыгажосці сайт іспанскай газеты "20 хвілін" правёў сярод чытачоў анлайн-апытанне з мэтай вызначэння рэйтынгу папулярнасці прэтэндэнтак на карону. Каміла Рэкабаррэн аказалася фаварыткай у Іспаніі, апярэдзіўшы па ліку галасоў бліжэйшую канкурэнтку Fiorella Migliore з Партугаліі амаль у два разы. Іспанка Aranzazu Estevez Godo апынулася толькі на 3 месцы ў рэйтынгу.
На конкурсе прыгажосці "Міс Свету 2012" 21-гадовая дзяўчына (рост 181 см, параметры 95-65-98) з Чылі ўвайшла толькі ў топ-10 намінацыі "Топ-мадэль". Нягледзячы на сціплыя поспехі ў Кітаі, па вяртанні на Радзіму Каміла заявіла, што ўдзел у вядомым міжнародным конкурсе - гэта добры вопыт, а самая галоўная для яе перамога адбылася - яна заваявала сэрцы чылійцаў.
Вядома, што першая прыгажуня Чылі пакуль не замужам, але сустракаецца з 56-гадовым кавалерам - аргентынцам Alberto Purpura. Часам неадназначная рэакцыя навакольных на гэту розніцу ва ўзросце Камілу не вельмі хвалюе.
У бліжэйшых планах Камілы - стаць "зоркай" тэлебачання, і, прынамсі, паўтарыць поспех Сесіліі Балокка (Cecilia Bolocco) - чылійскай тэлевядучай, пераможцы конкурсаў "Міс Чылі 1987" і "Міс Сусвет 1987".
