Туфлі жаночыя са скуры светла-карычневага колеру, "закрытыя". Маюць вузкі раменьчык і спражку з жоўтага металу. Нос завостраны, упрыгожаны металічнай пласцінкай жоўтага колеру. Падэшва скураная, мае прашыты край. Абцас высокі (8,5 см) шырынёй каля 3 см. Туфлі падбіты чорнымі набіванкамі. 70-я гады.
Туфлі жаночыя замшавыя. 38 памер.
Туфлі лакіраваныя на абцасе ("лодачкі"). Верх суцэльны, швы на задніках і на ўнутраных баках. Наскі звужана-тупыя. Абцас тонкі, абцягнуты скурай, вышыня - 8 см, аснова абцаса - 1,8 х 1,3 см.
На сцельцы захаваўся надпіс "Парыжскі шарм", фірма "Pio". 1964 год.
Туфлі жаночыя з карычневай скуры на падэшве "танкетка". Туфлі дэмісезонныя, закрытыя, маюць шырокі круглы насок. Вышыня абцаса - 6 см. 70-е гады.
Туфлі дэмісезонныя бардовага колеру на пластмасавых абцасах. Выкананы з скуразамяняльніка. Шкарпэткі круглыя, перад упрыгожаны чатырма ціснёнымі палоскамі. Вышыня абцаса - 6,5 см, яго аснова - 4 х 3,5 см. 1976 год.
Дэмісезонныя туфлі лакіраваныя, чорныя на "танкетцы" з ледзь вылучаным абцасам. Вышыня падэшвы - 6,5 см. Для аздаблення туфляў прышыта чорная палоска скуры, на ёй лакіраваная з адтулінамі палоска.
На сцельцы - эмблема фабрыкі і надпісы: "Мадэльная" і "Віцебск". 1976 год.
Туфлі жаночыя, восеньскія. Пашыты са скуры карычневага колеру, падэшва з карычневай пластмасы, адлітай у маналіце з шырокім абцасам вышынёй 4 см. Перад круглы (тупы), упрыгожаны рубцаватым швом, з выступаючым "язычком", які закрывае гумку. Такі абутак насілі ў 60-е гады ў в. Лістападавічы Салігорскага раёна.
Боты жаночыя дэмісезонныя на абцасе, чорныя. Абцас паўкруглы, абцягнуты скурай, вышынёй 9 см. Наскі завужаныя, перад суцэльны. Халявы вышынёй 33 см. На швах - кантрасны кант цёмна-жоўтага колеру. 37 памер. Абутак у музей перадала ст. навуковы супрацоўнік музея Зінаіда Васільеўна Рамановіч. 70-я - пач. 80-х гадоў.
