Туфлі жаночыя з натуральнай скуры светла-карычневага колеру на абцасе вышынёй 6,5 см. Спераду маецца ўпрыгожванне ў выглядзе прарэзаў і згорнутага рулонам кавалачка скуры. Абцас абцягнуты скурай. Падэшва скураная.
Гэтыя туфлі насілі маладыя жанчыны і дзяўчыны-гараджанкі ў 50-я гады 20 ст.
Лакавыя жаночыя туфлі з натуральнай скуры чорнага колеру на абцасе вышынёй 6 см. Спераду маецца ўпрыгожванне ў выглядзе кавалачка скуры круглявай формы і банціка са скуры. Абцас абцягнуты скурай. Падэшва з натуральнай скуры. 50-я гады.
Чаравікі жаночыя, уцепленыя ("румынкі") з натуральнай скуры, уцеплены цыгейкай. Верхняя частка ў шчыкалаткі апраўлена цыгейкай цёмна-карычневага колеру шырынёй 6 см. Зашнурощваюцца спераду з дапамогай шнуркоў (у дадзенага экспаната яны не захаваліся). Па баках і спераду ўпрыгожаны фігурным радком і шнуром. Падэшва прыбіта двума шэрагамі драўляных і стальных цвікоў. Абцас абцягнты скурай. 50-я гады.
Чаравікі жаночыя, уцепленыя. 50-я гады.
Боцікі з чорнай гумы на абцасе. Апраналіся паверх туфлей. Тыповы абутак жанчыны ў 40-50-х гадах. Боцікі выраблены на легендарным заводзе "Чырвоны трохвугольнік" у Ленінградзе. Прадпрыемства вядома з 1860 года - гэта першая ў Расійскай Імперыі гумавая фабрыка.
