Лапці жаночыя авальнай формы з шаўковай вяроўкі. Памер 25 x 12 см. Ступні сплецены густымі касічкамі папярок даўжыні. Шкарпэткі глыбокія, запяткі нізкія (1 см). На баках ўдзеты вяроўкі-завязкі. 70-я гады XX стагоддзя. Выраблены Е.А.Барсуковай у вёсцы Неглюбка Веткаўскага раёна. Па словах аўтара, лапці выраблены для народнага свята "Ушэсце".
Лапці плеценыя, лыкавыя. Першая палова XX стагоддзя. Выраблены Васілём Абрамавічам Казелько з горада Калінкавічы.
Лапці дзіцячыя. Лыка, пляценне. Другая палова XX стагоддзя. Лапці даўгаватай формы сплецены з лыка двух гатункаў. Існавалі ў сям'і Зінаіды Львоўны Драбкінай з Гомеля.
Лапці-"слепакі": лыкавыя, прамога пляцення, без задніка. Устаўлена фабрычная тасьма карычневага колеру. Выраблены ў Гомеле Сцяпанам Сідаравічам Макаедам у 1988 годзе.
