У вясенне-летняй калекцыі мы вырашылі даследаваць новую для нас тэрыторыю — тэму пяшчоты і жаночай сексуальнасці. Адпраўной кропкай у працы стаў фільм "Грамадзянін Кейн" Орсона Ўэллса, гісторыя аб таямнічым Rosebud, "бутоне ружы". Для дызайнера гэты знак нязбытнай мары і ўтапічных ідэй дзяцінства стаў нагодай загаварыць пра феномен жаноцкасці, пра ўспрыманне жаночай сексуальнасці скрозь прызму мас-медыя і папулярнай культуры.
Звярнуўшыся да стэрэатыпных уяўленняў пра жаноцкасць, мы працавалі са зразумелымі і вядомымі клішэ: прыталены сілуэт, адкрытыя плечы, перфараваная скура, шоўк, празрыстыя матэрыялы, прынт "гарох", вышыўка і аплікацыі. Усё гэта мы ўпісалі ў рамкі характэрныя для ДНК лэйбла: складаныя канструктарскія рашэнні пры нібыта простым выкананні, архітэктурная чысціня сілуэтаў, стрыманая каляровая палітра.
