Турнір ужо паспеў стаць традыцыйным для Гомеля і праводзіцца ў Дзень горада. У горад над Сожам прыехалі 386 пар з Беларусі, Расіі, Украіны, Польшчы, Літвы, Малдовы, Латвіі, Казахстана, Арменіі, Чарнагорыі і інш.
У абласны цэнтр прыляцелі госці з ЗША — Ірына Мяльянцава і Джон Гусенхован. Ірына — выхаванка гомельскага клуба "Палеткі".
З самога Гомеля ў турніры ўдзельнічалі спартсмены з дзевяці клубаў. Мінск быў прадстаўлены 14 клубамі, Бранск — чатырма, Санкт-Пецярбург — трыма, Масква — шасцю.
Спаборніцтвы прайшлі ў 30 групах (WDSF Open Junior I Standart, WDSF Open Junior I Latin, WDSF Open Youth Latin, WDSF Open Youth Standart, WDSF International Open Latin, WDSF International Open Standart, Juvenile I, Сеньёры Стандарт, Сеньёры Лаціна, Дзеці і інш.).
