Беларускі бок рыхтуе заяўку на ўключэнне ў спісы нематэрыяльнай культурнай спадчыны ЮНЭСКА ўнікальную традыцыю валення шапак і валёнак з поўсці "Шапавальства" і адмысловую тэрміналогію гэтай дзейнасці "Катрушніцкі лемезень".
Шапавальства - спосаб ручнога валення валёнак - шырокі распаўсюд атрымаў напачатку XIX стагоддзя на Дрыбіншчыне (Магілёўская вобласць). Прылады працы для гэтага народнага промыслу немудрагелістыя - драўляныя калодкі, якія служаць для надання формы ступні валёнка, і так званае "правідла" для фармавання халявы.
"Катрушніцкі лемезень" — гэта ўнікальны прафесійны лексікон майстроў-шапавалаў, які налічвае больш тысячы слоў.
У 2009 годзе творчасці дрыбінскіх майстроў прысвоілі статут аб'екта Дзяржаўнага спісу гісторыка-культурных каштоўнасцяў Беларусі.