"Бег на абцасах" стаў ужо традыцыйным мерапрыемствам у Гомелі і праводзіцца ў дзень горада. Нязменным арганізатарам конкурсу выступае Цэнтр моды і прыгажосці "Крыштальная німфа".
Да ўдзелу дапускаюцца толькі паўналетнія ўдзельнікі. Вышыня абцаса павінна быць не меней 7 см. Даўжыня дыстанцыі забегу — 60 м.
Бег на абцасах — спаборніцтва экстрэмальнае. Пра гэта арганізатары мерапрыемства папярэджваюць удзельніц загадзя.
Бег на абцасах — не толькі спартыўнае, але і моднае мерапрыемства. Удзельніца павінна прадэманстраваць не толькі спрынтарскую хуткасць, але і элегантны строй.
Хтосьці бег у міні-спадніцы...
Асноўная маса дзяўчат для забегу абралі джынсы. Некаторыя ўдзельніцы палічылі лепшым варыянтам надзець штаны ці шорты. А хтосьці вырашыў дапоўніць шорты панчохамі...
Але самы эфектны убор для такога конкурсу — гэта сукенка.
Пераможцы конкурсу — 19-гадовай студэнтцы БелДУТа Марыне Барысавай — дастаўся залаты кулон-чаравічак, упрыгожаны каштоўнымі камянямі.
2 месца заваявала гамяльчанка Ангеліна Легенькая. 3 месца дасталася Алене Вараной з Віцебску. У спецыяльнай намінацыі "Міс шпаркасць" перамагла Таццяна Кукобнікава, у намінацыі "За волю да перамогі" — Аксана Карпава і ў намінацыі "Самыя прыгожыя ногі" — Ганна Краўчанка.
