Паводле Палажэння Фестывалю, пры выкананні вячэрняй прычоскі няма абмежаванняў у выкарыстанні колеру, але каляровыя спрэі забаронены. Дазваляецца выкарыстанне не больш за трох розных і асобных постыжэй. Мадэль можа мець упрыгожванні, але яны павінны адпавядаць выкананай прычосцы і быць ёй прапарцыянальнымі. Выключэнні: упрыгожванні з валасоў, валокнаў ці падобных матэрыялаў, суцэльныя парыкі і нарошчванне валасоў.
У намінацыі "Прычоска маладой на доўгіх валасах" удзельнічаюць мадэлі з даўжынёй валасоў да пляча ці даўжэй. Закончаная прычоска не павінна быць падобнай на вячэрнюю прычоску тэхнічнай намінацыі. Журы ацэньваюць працы па форме (сілуэт - баланс), тэхніцы (чысціня выканання, дызайн ліній), афарбоўцы (гармонія ліній і колеру) і ўпрыгожванням (гармонія ліній і аб'ёмаў). На выкананне працы дарослым удзельнікам даецца паўгадзіны, для юніёраў — 35 хвілін.
