V Міжнародны фестываль прыгажосці "Ружа Вятроў HAIR-2012" і Першынство на Кубак Мінска сярод салонаў Рэспублікі па цырульніцкім мастацтве, дэкаратыўнай касметыцы, ногцеваму сэрвісу і фота ўрачыста адкрыўся ў другі дзень працы выставы "Інтэрстыль 2012".
Цырульнікі распачалі барацьбу ў першым відзе жаночай і мужчынскай тэхнічнай катэгорыі "Крэатыўная прычоска", а таксама ў намінацыях "Фантазійная прычоска" і модная жаночая салонная стрыжка з укладкай "Fashion".
Палажэнне Фестываля пра модную жаночую салонную стрыжку з укладкай "Fashion": "Удзельнікі выконваюць модную стрыжку і ўкладку, якія адпавядаюць апошнім тэндэнцыям сучаснай моды. Афарбоўка — гэта дадатковы від працы, які ўваходзіць у якасці састаўнога элемента ў модную стрыжку — прычоску і выконваецца загадзя. Па завяршэнні працы мадэль стрыжкі-прычоскі павінна выглядаць, быццам сышла з вокладкі моднага прафесійнага часопіса."
Паводле Палажэння Фестываля, удзельнікі выконваюць крэатыўную прычоску, паказваючы свае крэатыўныя якасці. Патрабаванні да выкарыстання колеру не прад'яўляюцца. Але ёсць нюансы пры выкананні крэатыўнай прычоскі: абавязковы гарманічны пераход колеру (тона) аднаго ў іншы з улікам модных тэндэнцый.
Фантазійная прычоска ствараецца з выкарыстаннем постыжарных вырабаў. Даўжыня валасоў мадэляў можа быць любой, абмежаванняў па колеры таксама няма. Але поўныя парыкі і галаўныя ўборы забаронены. Асноўная задача пры фармаванні вобразу (касцюм, макіяж, аксесуары) — раскрываць зададзеную тэму, адпавядаць нормам прыстойнасці і не быць абуральным.
