Натхненне на стварэнне новай калекцыі Алена Голец шукала ў гарманічным злучэнні чатырох прыродных стыхій. Стыхію вады дызайнер прадставіла з дапамогай прынта-палоскі і глыбокіх сініх адценняў, зямлі — з дапамогай пясочных, шэрых адценняў і шчыльных фактур, стыхію агню ўвасабляюць колеры охры, гарчыцы і абстрактныя геаметрычныя прынты, а паветра — малочныя, бэжавыя адценні і вольныя сілуэты.
Гераіня новай калекцыі — разумная, паспяховая і шматгранная, выдатна ўсведамляе сваю прыродную грацыю і абаянне. Асноўны акцэнт у калекцыі зроблены на вольных сілуэтах і расклёшаных рукавах, а таксама спалучэннях розных фактур і стрыманых колерах.
