Узнагароджанне алімпійцаў і паралімпійцаў 2012 года праводзілі алімпійскія чэмпіёны мінулых гадоў.
Чэмпіён Алімпійскіх гульняў 1980 года ў Маскве (фехтаванне на шаблях) Мікалай Алехін павіншаваў уладальніцу бронзавага медалю (цяжкая атлетыка) Ірыну Кулешу.
Алімпійскі чэмпіён 1960 года ў каноэ-двойцы на дыстанцыі 1000 м Сяргей Макаранка ўручыў падарункі ўладальніцы бронзавага медалю (веславанне на байдарках, чацвёрка) Ірыне Памелавай.
Чэмпіёнка Алімпіяды ў Маскве 1980 года баскетбалістка Таццяна Белашапка павіншавала нацыянальную каманду Рэспублікі Беларусь па мастацкай гімнастыцы (Марына Ганчарова, Анастасія Іванькова, Наталля Лешчык, Аляксандра Наркевіч, Ксенія Санковіч, Аліна Туміловіч).
на фота: (злева направа) Таццяна Белашапка, а таксама нацыянальная каманда Рэспубліка Беларусь па мастацкай гімнастыцы: Марына Ганчарова, Анастасія Іванькова, Аляксандра Наркевіч, Ксенія Санковіч і Наталля Лешчык
Першая савецкая алімпійская чэмпіёнка па мастацкай гімнастыцы (1988 год, Сеўл) Марына Лобач павіншавала срэбраных прызёраў Алімпіяды-2012 Аляксандра і Андрэя Багдановічаў (веславанне на каноэ, двойка). Нажаль, Аляксандр і Андрэй не прысутнічалі на цырымоніі.
Таксама завочна віншаванні ад алімпійскай чэмпіёнкі 1972 года (спартыўная гімнастыка) Антаніны Кошаль атрымалі срэбраныя прызёры Раман Петрушэнка (веславанне на байдарках, чацвёрка) і Вадзім Махнеў (веславанне на байдарках, двойка).
Уладальнік 19 сусветных рэкордаў, алімпійскі чэмпіён (1980) (цяжкая атлетыка) Леанід Тараненка ў сваім віншавальным выступе ўспомніў жорсткія патрабаванні савецкага кіраўніцтва да спартыўных дасягненняў, адзначыўшы, што за "бронзу" на Алімпіядах маглі папрасіць пакінуць зборную краіны. Бронзавы прызёр Алімпіяды ў Лондане (мастацкая гімнастыка) Любоў Чаркашына, атрымліваючы ўзнагароду з рук знакамітага спартсмена, пажартавала па гэтай нагодзе.
Легенда спорту, трохкратны алімпійскі чэмпіён па вольнай барацьбе (1964, 1968, 1972) Аляксандр Мядзведзь уручыў узнагароду алімпійскаму чэмпіёну (стральба кулявая) Сяргею Мартынаву.
Алімпійская чэмпіёнка (Сеўл, 1988, эстафета 4x400 м) Таццяна Лядоўская перадала ўзнагароды алімпійскім чэмпіёнам Вікторыі Азаранке і Максіму Мірнаму праз маму Максіма і тату Вікторыі.
на фота: тата першай ракеткі свету Вікторыі Азаранкі - Фёдар Міхайлавіч і мама Максіма Мірнага - Таццяна Васільеўна
Срэбраны прызёр у Олімпійскіх гульнях 1976 і 1980 гадоў, бронзавы прызёр Алімпіяд у Маскве і Сеўле (1988), а таксама алімпійскі чэмпіён (1988) (фехтаванне) Аляксандр Раманькоў павіншаваў пяцікратнага чэмпіёна Паралімпійскіх гульняў па плаванні Ігара Бакія.
На Паралімпійскіх гульнях-2012 Ганна Канюк заваявала бронзу ў скачках у даўжыню. Алімпійскі чэмпіён 1976 года, велагоншчык Уладзімір Камінскі павіншаваў Ганну і ўсіх беларускіх спартсменаў з куфлем у руках.
Эліна Зверава, мятацельніца дыска, алімпійская чэмпіёнка (Сіднэй, 2000) і ўладальніца "бронзы" у Атланце (1996) павіншавала срэбранага прызёра Паралімпіяды, плыўца Уладзіміра Ізотава.
Алімпійскі чэмпіён 1980 года на 3-мятровым трампліне Аляксандр Партноў узнагародзіў бронзавага медаліста Паралімпіяды ў трайным скачку Аляксандра Суботу.
Алімпійскі чэмпіён (1980) у каманднай гонцы на шашы Алег Логвін павіншаваў плыўчыху, двухразовую ўладальніцу "срэбра" на Алімпіядзе ў Лондане Аляксандру Герасіменю.
Вядучымі мерапрыемства былі Люся Лушчык і Уладзімір Максімкаў.
Арганізатарам цырымоніі "Зоркі сышліся!" выступіла кампанія МТС пры ўдзеле Нацыянальнага алімпійскага камітэта і Беларускай асацыяцыі гімнастыкі. Уладальнікі медалёў юбілейных 30-х гульняў у Лондане атрымалі падарункі — бясплатнае безлімітнае карыстанне мабільнай сувяззю і інтэрнэтам да наступнай Алімпіяды ў Бразіліі і сучасныя смартфоны.
