Усе прэтэндэнткі прызналіся, што на падобнай экскурсіі яны ўпершыню: раней ніхто не наведваў "Зону адчужэння" і разбураную ЧАЭС.
Асобным пунктам праграмы стала наведванне аб'екта "Чарнобыль-2", велізарнай 150-мятровай антэны радыёлакацыйнай станцыі.
Дзяўчыны таксама паглядзелі мурал, напісаны на адной са сцен велізарнай астуджальнай вежы 5-га недабудаванага рэактара ЧАЭС.
Гэты арт-аб'ект з'явіўся некалькі месяцаў назад, яго стварэнне было прымеркавана да 30-ых угодкаў катастрофы. Аўтарам вялікага насценнага графіці стаў аўстралійскі мастак Guido van Helten. За аснову ён узяў фатаграфію аднаго з ліквідатараў аварыі, зробленую ўкраінскім фатографам-рэпарцёрам Ігарам Косціным (1936 – 2015), які знаходзіўся непасрэдна на ЧАЭС падчас катастрофы і дакументаваў усе падзеі на фота і відэа-плёнку, атрымаўшы вельмі моцную дозу выпраменьвання.
