Пераможцу конкурсу прыгажосці "Місіс Беларусь 2014", зрэшты, як і "Містэра Беларусі 2014", тэлегледачы выбіралі з фінальнай тройкі, якую вызначыла журы.
У якасці ўзнагароды 31-гадовай Юліі Перагудавай дасталася паездка ўсёй сям'ёй на SPA-курорт на Мальдыўскія астравы. Каранаваная каралева прыгажосці — мама дваіх дзяцей, працуе ў "Беларусбанку", але цяпер знаходзіцца ў адпачынку па дагляду за дзіцем. Дарэчы, сем гадоў назад Юлія Перагудава атрымала тытул "Міс зачараванне" у рэспубліканскім унутрыкарпаратыўным конкурсе прыгажосці "Міс Беларусбанк 2007".
Тытулы Віцэ-місіс атрымалі 26-гадовая Таццяна Куранкова (Мінск) і 23-гадовая Юлія Красоўская (Магілёў).
Спецыяльныя тытулы атрымалі: "Місіс Сяброўства" — мінчанка Юлія Кур'ян, "Місіс Фота" — Вольга Матузава з Наваполацка, "Місіс Сучасная мама" — Вольга Жадзеева з Мінска, "Місіс Элегантнасць" — Іна Пусташыла з Мінска і "Місіс Глядацкіх сімпатый" — Марына Буяльская.
Самым кранальным момантам фінальнай цырымоніі стаў выхад ўдзельніц са сваімі дзецьмі.
Разам ў конкурсе прынялі ўдзел 15 замужніх жанчын, сярод якіх ёсць мама чацвярых дзяцей (Вольга Жадзеева) і ўдзельніца конкурсу "Міс Беларусь 2008", уладальніца тытула Першай Віцэ-міс міжнароднага конкурсу "Miss Supranational 2009" Марына Буяльская (Ляпеша).
