Журы конкурсу "Містэр Беларусь 2014" вызначыла тры фіналіста (Кірыл Дыцэвіч, Павел Баканаў і Аляксандр Пархімовіч), сярод якіх тэлегледачам прапанавалі абраць самага прыгожага хлопца краіны.
Пераможцам па выніках інтэрактыўнага галасавання стаў 21-гадовы студэнт Беларускай дзяржаўнай акадэміі мастацтваў (акцёрскі факультэт) Кірыл Дыцэвіч.
Ян Маерс атрымаў тытул "Містэр Мужчынская салідарнасць", уладальнікам тытула "Містэр Фітнес" стаў Сяргей Сасноўскі, тытул "Містэр Фота" у Юрыя Луцэнкі, тытул "Містэр Спорт" атрымаў Канстанцін Бельскі, тытул "Містэр Стыль" дастаўся Сяргею Біндалаву і тытул "Містэр Глядацкіх сімпатый" заваяваў Сяргей Чарвінскі.
Усяго ў конкурсе "Містэр Беларусь", які ўпершыню адбыўся ў нашай краіне, прынялі ўдзел 15 хлопцаў ва ўзросце ад 18 да 30 гадоў.
