У мае 2010 года Марыя перамагла ў міжвузаўскім конкурсе прыгажосці "Міс СНД". Характэрна, што штурм "Міс Беларусь" яна пачала менавіта ў 2010 годзе, але кастынг не прайшла. Настойлівасць у дасягненні сваіх мэтаў дапамагла Машы праз два гады — яна выйшла ў фінал Нацыянальнага конкурсу "Міс Беларусь 2012" і атрымала тытул "Міс Дабрачыннасць".
Марыя — выпускніца Віцебскай акадэміі ветэрынарнай медыцыны. Рост прыгажуні — 177 см. Мадэльныя параметры — 86-60-92.
Адметная асаблівасць "Міс Свету" сёлета — выключэнне з праграмы конкурсу дэфіле ўдзельніц у купальніках. 137 прыгажунь (а менавіта столькі чакаецца канкурсантак з усіх куткоў свету) у якасці пляжнага адзення надзенуць саронгі — традыцыйнае адзенне народаў Паўднёва-усходняй Азіі, якое знешне нагадвае доўгую спадніцу.
