У 63-ім міжнародным конкурсе прыгажосці "Міс Свету 2013" прынялі ўдзел 127 дзяўчат. Сярод ганаровых гасцей фінальнага шоу прысутнічала ўладальніца тытула "Міс Свету 1953" — французская актрыса і мадэль Дэніз Пер'е (Denise Perrier).
Перамогу ў адным з самых прэстыжных конкурсаў прыгажосці атрымала 23-гадовая тэлевядучая і актрыса, ураджэнка Злучаных Штатаў Меган Янг (Megan Lynne Young) з Філіпін. Рост дзяўчыны — 170 см. Меган — вялікая прыхільніца раманаў пра Гары Потэра. На фінальнае шоу падтрымаць філіпінскую прыгажуню прыехала яе мама. Карону новай каралеве прыгажосці перадала пераможніца мінулага года кітаянка Ю Венься, а абвясціла галоўныя вынікі конкурсу Джулія Морлі — арганізатар і кіраўнік "Міс Свету".
Характэрна, што і ў нядаўна прайшоўшым у Мінску конкурсе прыгажосці "Miss Supranational 2013" таксама перамагла дзяўчына з Філіпін — Муція Датул (Mutya Johanna Datul).
на фота: (злева направа, на пярэднім плане) пераможца "Міс Свету 2013" Меган Янг з Філіпін і расіянка Эльміра Абдразакава
прадастаўлена: Дырэкцыя Нацыянальнага конкурсу "Міс Расія"
Тытул Першай Віцэ-міс дастаўся 20-гадовай францужанцы Марын Лорфелін (Marine Lorphelin). Дзяўчына вучыцца на другім курсе медыцынскага ўніверсітэта ў Ліёне. Рост прыгажуні — 176 см.
Другой Віцэ-міс стала 22-гадовая Каранзар Шутар (Carranzar Naa Okailey Shooter) з Ганы. Афрыканская прыгажуня таксама студэнтка-медык. Рост дзяўчыны — 188 см.
У ТОП-5/6 таксама патрапілі: Санклер Франц (Sancler Frantz Konzen) з Бразіліі, Алена Хіменес (Elena Ibarbia Jimenez) з Іспаніі і Maroua Kharbouch з Гібралтара — пераможніца намінацыі "People's Champion" (Міс глядацкіх сімпатый).
Тытулы кантынентальных каралеў дасталіся: "Міс Афрыка" — Каранзар Шутар з Ганы, "Міс Амерыка" — Санклер Франц з Бразіліі, "Міс Азія і Акіянія" — Меган Янг з Філіпін, "Міс Карыбскія астравы" — Gina Hargitay з Ямайкі і "Міс Еўропа" — Марын Лорфелін з Францыі.
Таксама ў ТОП-10 увайшлі: уладальніца тытула "Міс Свету Аўстралія 2013" Эрын Вікторыя Холанд (Erin Holland), Ішані Шрэста (Ishani Shrestha) з Непала, Kirsty Heslewood з Англіі, Vania Larissa з Інданэзіі і Gina Hargitay з Ямайкі.
Уладальніца тытула "Міс Украіна 2013" Ганна Заячкоўская увайшла ў ТОП-20. У гэтым жа рэйтынгу таксама: "Міс Італія" Sarah Baderna, "Міс Бельгія" Ноэмі Хапарт (Noemie Happart), "Міс Славакія 2013" Караліна Чомістэкава (Karolina Chomistekova), Алівія Джордан (Olivia Jordan) з ЗША.
"Міс Расія 2013" Эльміра Абдразакава, "Міс Польшча 2013" Катаржына Кржэзоўска, "Міс Славакія 2013" Караліна Чомістэкава і беларуска Марыя Вялічка, нажаль, у дваццатку лепшых не ўвайшлі.
Сёння, яшчэ да пачатку фінальнага шоу, сталі вядомыя і імёны пераможцаў "Міс Свету 2013" у дадатковых намінацыях.
Тытул "Міс Топ Мадэль" (Top Model) атрымала філіпінка Меган Янг, у пяцёрку лепшых таксама ўвайшлі: Алівія Джордан са ЗША, Марын Лорфелін з Францыі, Ганна Заячкоўская з Украіны і Санклер Франц з Бразіліі.
Тытул "Міс Спорт" (Sports) дастаўся 23-гадовай уладальніцы тытула "Міс Нідэрланды 2013" Жаклін Сценбеек (Jacqueline Steenbeek) з Нідэрландаў. У пяцёрку самых спартыўных прыгажунь таксама патрапілі: Алена Хіменес з Іспаніі, Меган Грын (Meagan Green) з Паўночнай Ірландыі, Coral Ruiz Reyes з Парагвая і Paola Ayala з Рэспублікі Эль-Сальвадор.
Тытул "Міс Пляжная Мода" (Beach Fashion) заваявала 22-гадовая бразіліянка Санклер Франц. Лепшымі ў гэтай намінацыі таксама сталі: Марын Лорфелін з Францыі, Каранзар Шутар з Ганы, Gina Hargitay з Ямайкі і Меган Янг з Філіпін.
Самай папулярнай дзяўчынай у Інтэрнэце стала 20-гадовая дзяўчына з Індыі Наўніт Дзілон (Navneet Kaur Dhillon) — уладальніца тытула "Міс Мультымедыя" (Multimedia). Таксама шмат прыхільнікаў аказалася і ў наступных удзельніц конкурсу: Kanyaphak Phokesomboon з Тайланда, Ішані Шрэста з Непала, Меган Янг з Філіпін і Melinder Bhullar з Малайзіі.
Конкурс дабрачыннасці "Beauty with a Purpose" (Прыгажосць з мэтай) выйграла 21-гадовая Ішані Шрэста з Непала. У ТОП-5 гэтага міні-конкурсу таксама ўвайшлі: Эрын Вікторыя Холанд (Аўстралія), Brigitte Lyimo (Танзанія), Ноэмі Хапарт (Бельгія) і Санклер Франц (Бразілія). Пераможніца "Beauty with a Purpose" атрымлівае 10 тысяч долараў ЗША на рэалізацыю свайго дабрачыннага праекта.
22 верасня былі вызначаны і самыя таленавітыя прыгажуні: 17-гадовая Vania Larissa з краіны-гаспадыні конкурсу — Інданэзіі апынулася самай лепшай. У пяцёрку самых таленавітых таксама ўвайшлі: Эрын Вікторыя Холанд з Аўстраліі, Ганна Заячкоўская з Украіны, а таксама Kirtis Mallone з Брытанскіх Віргінскіх астравоў.