88 прыгажунь з усяго свету прынялі ўдзел у барацьбе за новую карону "Міс Сусвет 2014" з блакітнымі тапазамі, дыяментамі, сапфірамі і багемскім крышталем, ацэнкавым коштам 300 тысяч долараў ЗША. Самай годнай уладальніцай гэтай кароны, па меркаванню журы, апынулася 22-гадовая студэнтка з Калумбіі Паўліна Вега (Paulina Vega Dieppa). Рост пераможніцы — 178 см, мадэльныя параметры — 95-60-95 см. Раней Паўліна перамагала ў конкурсах "Міс Калумбія 2013" і "Міс Атлантыка 2013".
Тытул Першай Віцэ-міс атрымала 24-гадовая Ніа Санчэз (Nia Sanchez) са ЗША. Другой Віцэ-міс стала 20-гадовая ўкраінка Дзіяна Гаркуша. Нагадаем, у конкурсе "Міс Сусвет Украіна 2014" Дзіяна атрымала тытул Першай Віцэ-міс. Рост дзяўчыны — 177 см, мадэльныя параметры — 89-60-90 см, вага — 53 кг.
Трацяй Віцэ-міс стала прадстаўніца Ямайкі Кейсі Фенел (Kaci Fennell), Чацвёртай — уладальніца тытула "Міс Нідэрланды 2013" Ясмін Верхейджэн (Yasmin Verheijen).
У ТОП-15 прабіліся дзяўчаты, якія прадстаўляюць Аргентыну, Аўстралію, Філіпіны, Іспанію, Венесуэлу, Бразілію, Францыю, Індыю, Інданэзію і Італію.
Расіянка Юлія Аліпава, нажаль, не заваявала ніякіх тытулаў. Вось як яна пракаментавала свой удзел у конкурсе "Міс Сусвет 2014": "Я вельмі шчаслівая прадстаўляць Расію на такім прэстыжным конкурсе, як "Міс Сусвет". Падобны шанц выпадае не многім, таму я прыклала максімум высілкаў падчас падрыхтоўкі да фіналу. Гэта быў неацэнны вопыт. Я шмат чаму навучылася, пазнаёмілася з вялікай колькасцю выдатных і таленавітых людзей. Я ўдзячная за гэту неацэнную магчымасць конкурсу "Міс Расія".
Наша краіна — Беларусь у гэтым конкурсе пакуль не бярэ ўдзел.