У фінальным шоу прынялі ўдзел 83 прыгажуні — гэта лічба стала рэкорднай у гісторыі конкурсу.
Дзяўчыны прадэфіліравалі ў касцюмах, створаных па нацыянальных матывах, неаднаразова выходзілі на сцэну ў купальніках (першы выхад, другі выхад, трэці выхад), а таксама прадэманстравалі самастойна абраныя вячэрнія сукенкі (агульны выхад, выхад 20-кі лепшых).
Самы высокі тытул у прэстыжным міжнародным конкурсе дастаўся 21-гадовай дзяўчыне з Філіпін Муціі Датул (Mutya Johanna Datul). Рост дзяўчыны — 177 см.
Карону новай "Miss Supranational" перадала пераможніца мінулага года — беларуска Кацярына Бурая.
На прэс-канферэнцыі, якая адбылася па завяршэнню фінальнага шоу, уладальніца тытула "Miss Supranational 2013" прызналася, што плануе выдаткаваць грашовы прыз на лячэнне сваёй мамы.
Тытул Першай Віцэ-міс дастаўся 23-гадовай канкурсантцы з Мексікі Жаклін Маралес (Jacqueline Morales) (рост 174 см), Другой — 21-гадовай Лэйле Кесе (Leyla Köse) (рост 178 см) з Турцыі, Трэцяй — 21-гадовай Кок Айстры Крыснада Відані (Cok Istri Krisnanda Widani) (рост 173 см) з Інданэзіі, Чацвёртай — 24-гадовай Эсоніке Віера (Esonica Veira) (рост 172 см) з Віргінскіх астравоў.
на фота: (слава направа, на пярэднім плане) Mutya Johanna Datul (Філіпіны), Jacqueline Morales (Мексіка), Esonica Veira (Віргінскія астравы), (на заднім плане) Raquel Benetti (Бразілія), Esma Voloder (Аўстралія)
Таксама былі вызначаны "Miss Supranational Еўропа" — Вераніка Чачына (Беларусь), "Miss Supranational Афрыка" — Hillary Ondo (Габон), "Miss Supranational Амерыка" — Raquel Benetti (Бразілія) і "Miss Supranational Азія і Акіянія" — Esma Voloder (Аўстралія).
У ТОП-20 увайшлі: Annie Fuenmayor (Венесуэла), Desiree Del Rio (Пуэрта-Рыко), Angelika Ogryzek (Польшча), Suzette Hernandez (Канада), Thanyaporn Srisen (Тайланд), Héloïse Paulmier (Люксембург), Vijaya Sharma (Індыя), Khin Wint Wah (М'янма), Яна Дубнік (Расія), Дзіяна Кубасава (Латвія) і Кацярына Сандулава (Украіна).
