19-гадовая студэнтка Браціслаўскай вышэйшай школы мэнаджменту (факультэт упраўлення бізнесам) Караліна Чамістэкава (Karolína Chomisteková) з Араўскага Падзамка абышла адзінаццаць суперніц у барацьбе за званне "Міс Славакія 2013" (Miss Slovensko 2013) і права на ўдзел у конкурсе "Міс Свету 2013". Рост дзяўчыны — 176 см. Валодае трыма замежнымі мовамі: англійскай, рускай, а таксама французскай. Акрамя гэтага Караліна заваявала тытул "Міс Прэса".
Пераможца атрымала ў падарунак новы стыльны аўтамабіль Opel Adam, а таксама цалкам мэбляваную трохпакаёвую кватэру.
Тытул Першай Віцэ-міс заваявала 19-гадовая Нікалета Дучонава (Nikoleta Duchoňová) (рост 171 см). Дзяўчына атрымала права прадстаўляць Славакію на міжнародным конкурсе "Miss International 2013".
Другой Віцэ-міс стала 19-гадовая Лусіяна Чвіркава (Luciána Čvirková) (рост 178 см).
Тытулы "Міс Сімпатыя" і "Міс Інтэрнэт" заваявала 21-гадовая Барбора Лучыўянска (Barbora Lučivjanská) (рост 170 см).
