Пераможніцы — 21 год, яна студэнтка з Браціславы. Рост дзяўчыны 171 см, па знаку задыяку — блізняты. Hanka Závodná прадставіць Славакію на конкурсе "Міс Свету 2017". Галоўны падарунак для пераможніцы — аўтамабіль.
Карону па традыцыі перадала пераможніца мінулага года — Kristína Činčurová.
Першай Віцэ-міс стала 19-гадовая Petra Varaliová (рост 171 см) з Бардзяёва. Другой Віцэ-міс — 22-гадовая Michaela Cmarková (рост 181 см) з Каньянкі.
Падчас фінальнага шоу, якое прайшло ў Incheba Expo Arena, канкурсанткі прадэфіліравалі ў народных касцюмах, а таксама ў некалькіх дызайнерскіх калекцыях: JITKA KLETT, Hellenski by Ema Klein і Simone Perele, Michael Kovacik, Michaela Luptakova.