Новы ў гісторыі сталічнага конкурсу тытул "Міс Мінск Купалінка" дастаўся 22-гадовай Паліне Батраковой (№14). Яе рост — 173 см, вага — 54 кг, мадэльныя параметры — 86-65-95. Паліна вучыцца на фізічным факультэце БДУ па спецыяльнасці "Навукова-даследчая дзейнасць". Цікава, што дзяўчына ўжо спрабавала свае сілы на конкурсе "Міс Мінск 2011", але не прайшла нават кастынг.
Кацярына Скалабан (№8) — "Першая Віцэ-міс" — асвойвае спецыяльнасць інжынера-эканаміста на аўтатрактарным факультэце БНТУ.
Наталля Башура (№21) — "Другая Віцэ-міс".
Вольга Кабакова (№11) — "Міс Фота" — дыпламаваны юрыст (скончыла Гомельскі дзяржаўны ўніверсітэт імя Ф.Скарыны), працуе агентам па турызму. Рост дзяўчыны — 177 см, вага — 59 кг, мадэльныя параметры — 83-65-98.
Вераніка Касперава (№3) — "Міс Прэса" — вучыцца ў Беларускім дзяржаўным універсітэце культуры і мастацтваў. Рост рудавалосай прыгажуні — 173 см, вага — 52 кг, мадэльныя параметры — 84-63-92.
Кацярына Войтус (№19) — "Міс Сяброўства" — скончыла гуманітарны факультэт БДУ па спецыяльнасці "лінгвіст-перакладчык". Рост дзяўчыны — 171 см, вага — 54 кг, мадэльныя параметры — 87-65-92.
Марыя Смаргун (№13) — "Міс Глядацкіх сімпатый" — таксама ўваходзіць у васьмёрку тытулаваных фіналістак "Міс Мінск 2013".
