Судзейства ў любым конкурсе прыгажосці — заўсёды суб'ектыўна, зрэшты, як і ўяўленне аб "правільнай" прыгажосці. Хто ж яны, удзельніцы "Міс Мінск 2013", якія апынуліся ніжэй 15 пункта ў рэйтынгу журы?
24-гадовая Аляксандра Барысевіч (№4) працуе артысткай балета ў Белдзяржцырку, скончыла Беларускі дзяржаўны ўніверсітэт фізкультуры (БДУФК). 19-гадовая Таццяна Новікава (№5) вучыцца па спецыяльнасці "Мэнэджмент СМІ" у Інстытуце журналістыкі БДУ.
Высокая і стройная Аляксандра Пучко (№6) вучыцца на праграміста ў БДУ. Дзяўчыне 18 гадоў, яе рост — 184 см.
Чароўная і абаяльная Вераніка Аўсяннікава (№9) працуе ў адным з камерцыйных банкаў і вучыцца ў МІПСА па спецыяльнасці "маркетынг". Прыгажуне 20 гадоў, рост — 177 см, вага — 56 кг, мадэльныя параметры — 87-65-92.
23-гадовая Вольга Кісялёва (№15) — будучы спецыяліст у сферы турызму і гасціннасці, вучыцца ў БДУФК.
Для 24-гадовай Алесі Чычыкавай (№17) разбірацца ў модзе — прафесія. Дзяўчына працуе ў ААТ "Элема", вучыцца ў Віцебскім дзяржаўным тэхналагічным універсітэце па спецыяльнасці "мадэльер-канструктар".
20-гадовая студэнтка Беларускага дзяржаўнага медыцынскага ўніверсітэта Наталля Кенік (№18) не толькі авалодвае спецыяльнасцю "патолагаанатам", але і паспявае працаваць сакратаром-рэферэнтам.
20-гадовая Кацярына Валадзько (№20) — будучы менэджэр-эканаміст, вучыцца ў Інстытуце парламентарызму і прадпрымальніцтва.
22-гадовая Анжаліка Ціхановіч (№22) вучыцца ў Індустрыяльна-педагагічным каледжы на тэхніка-эканаміста.
23-гадовая Яўгенія Ганчаронак (№24) вывучае сучасныя замежныя мовы ў Мінскім інстытуце кіравання. 22-гадовая Юлія Глаўшчыкова (№25) вучыцца па прэстыжнай спецыяльнасці "Міжнародныя адносіны" у БДУ. 19-гадовая Аліна Данілевіч — будучы мэнэджар-эканаміст, вучыцца ў БНТУ.
