За карону пераможніцы "Міс Беларусь 2012" спаборнічалі 28 дзяўчат з усіх абласцей Беларусі і горада Мінска. У фінал выйшлі 10 дзяўчат: №24 - Наталля Брыштэн, №2 - Вікторыя Шавель, №6 - Юлія Скалковіч, №18 - Таццяна Давыдзенка, №19 - Вольга Нікіфарава, №11 - Марыя Вялічка, №16 - Іна Канавалава, №21 - Анастасія Пагранічная, №7 - Марына Казлова і №3 - Аксана Луканава.
Пасля некалькіх конкурсных дэфіле (у дызайнерскіх уборах, у купальніках, у вячэрніх сукенках) 20-гадовая студэнтка Брэсцкага дзяржаўнага тэхнічнага ўніверсітэта (будучы архітэктар) Юлія Скалковіч з вёскі Клейнікі Брэсцкага раёна была абвешчана першай прыгажуняй краіны. Яна атрымала карону з белага золата і грашовы прыз у памеры 50 мільёнаў беларускіх рублёў. Акрамя таго, Юлія атрымала магчымасць прадставіць Беларусь на міжнародным конкурсе "Міс Свету". Мадэльныя дадзеныя пераможніцы - 88-64-96 і рост 177 см.
Тытул "Першая Віцэ-міс" заваявала 20-гадовая Вікторыя Шавель з пасёлка Чонкі Гомельскага раёна. "Другой віцэ-міс" стала 21-летняя Анастасія Пагранічная з Жодзіна.
У фінале былі абвешчаны "Міс Дабрачыннасць" (20-гадовая Марыя Вялічка з Віцебску), "Міс глядацкіх сімпатый" (мінчанка Таццяна Давыдзенка, 23 гады) і "Міс Сяброўства" (19-гадовая гамяльчанка Іна Канавалава).
Напярэдадні адбыліся паўфінальныя шоу конкурсу прыгажосці, на якіх журы абрала "Міс Топ-мадэль" - 20-гадовую брэстчанку Наталлю Брыштэн, "Міс Спорт" - Вікторыю Шавель, "Міс фота" - Юлію Скалковіч і "Міс талент" - 21-гадовую Вольгу Нікіфараву з Віцебску.
