Мехендзі (мендзі) — упрыгожванне цела шляхам нанясення малюнкаў з хны. У адрозненні ад пастаяннай татуіроўкі выява захоўваецца ўсяго некалькі тыдняў. Дадзены від мастацтва мае старажытныя карані і найвялікшае распаўсюджванне атрымаў у Індыі, арабскіх краінах, а таксама ў Паўднёва-ўсходняй Азіі і Паўночнай Афрыцы.
Майстар мехендзі Лілія Марозава, а таксама мадэлі Дар'я Якавішына і Аліна Сноп прадэманстравалі наведвальнікам выставы "Інтэрстыль 2013" прыгажосць старажытнага мастацтва.
