Роберт Вано — знакаміты чэшскі майстар моднай і рэкламнай фатаграфіі. З 1984 года працаваў у Нью-Ёрку, Парыжы і Мілане: яго здымкі публікаваліся ў часопісах "Cosmopolitan", "Harper`s Bazaar", "Vogue". У 1996-2003 гадах Роберт Вано — арт-дырэктар у чэшскім выданні часопіса "Elle".
Найбуйная выстава яго прац "The Platinum Collection" (Плацінавая калекцыя) адбылася ў 2009 году ў Празе. Галоўнай асаблівасцю серыі прац стала тэхніка плацінавага фотадруку. Кожны адбітак з'яўляецца ўнікальным.
У Беларусь "Плацінавая калекцыя" прыехала дзякуючы Пасольству Чэшскай Рэспублікі. Чорна-белыя фотаздымкі Роберта Вано ўжо ўбачылі ў Віцебску і Мінску. Цяпер выстава размясцілася ў галерэі Гомельскага палацава-паркавага ансамбля Румянцавых і Паскевічаў.
