Мінскі этап Кубка, які праходзіць у пяты раз і ўжо паспеў стаць традыцыяй, сабраў гімнастак з 27 краін свету. Урачыстае адкрыццё пачалося з выступлення творчых калектываў.
У першы дзень у кваліфікацыі ў групавым практыкаванні (шматбор'е) спаборнічалі нацыянальныя зборныя Кітая, Карэі, Бразіліі, Расіі, Беларусі, Італіі і Азербайджана.
Праграма складалася з двух відаў: практыкаванне з дзесяццю булавамі і практыкаванне з трыма мячамі і дзвюма стужкамі.
Галоўным суддзём спаборніцтваў стала алімпійская чэмпіёнка Марына Лобач.
Перамогу ў шматбор'е прадказальна атрымала зборная Расіі. Вынік — 36,300 балаў. Срэбра дасталася беларускай зборнай (34,550), бронза — у зборнай Італіі (22,550).
У перапынках паміж выступленнямі ўдзельніц спаборніцтваў свае таленты дэманстравалі зусім юныя беларускія гімнасткі.
