Самых абаяльных і прывабных дам, якія прыйшлі на кастынг конкурсу прыгажосці ў Дзень Св.Валянціна, ацэньвала журы, у складзе якога былі: дырэктар мадэльнага агенцтва "Студыя Тамара" Тамара Ганчарова, фатограф Міхаіл Маруга, стыліст Аляксандр Кірынюк, музычны рэдактар "Радыё АНТ" Іван Падрэз і іншыя.
Прыгажуні з энтузіязмам распавядалі пра свае сямейныя і працоўныя поспехі.
А таксама дэманстравалі свае падцягнутыя фігуры.
Удзельніцы кастынгу конкурсу "Місіс Беларусь 2014" — жанчыны самых розных узростаў і самых розных прафесій, з самых розных куткоў Беларусі.
53-гадовая мінчанка распавяла пра сваю працу ў 90-х у танцавальным калектыве Лікі Ялінскай (Анжалікі Агурбаш).
Чароўная гамяльчанка — супрацоўнік "Беларусбанка".
41-гадовая мінчанка, уладальніца уласнага магазіна, распавяла пра свае падарожжы ў Англію, а таксама пра дарослага сына, якога яна б з задавальненнем адправіла на кастынг конкурсу "Містэр Беларусь 2014".
