Нацыянальны конкурс прыгажосці сярод мужчын у Беларусі праводзіцца ўпершыню. Ахвотнікаў у ім паўдзельнічаць аказалася вельмі шмат.
Адбор прэтэндэнтаў на тытул "Містэр Беларусь 2014" складаўся з гутаркі, а таксама выхаду з голым торсам і фотасесіі. Дэфіле ў плаўках, відавочна, будзе ў фінальным шоу конкурсу.
Ацэньвалі хлопцаў на кастынгу: генеральны дырэктар "Студыі моды Сяргея Нагорнага" Сяргей Нагорны, тэлевядучая Люцыя Лушчык, спявачка Іскуі Абалян, саліст групы "Чук і Гек" Павел Сыраежкін і галоўны рэдактар газеты "Антэна" Анастасія Целешава.
