Яна падзялілася сваімі кулінарнымі планамі на навагоднюю ноч: "Сёлета я буду зноў шаткаваць аліўе. Гэта будзе класічны, савецкі варыянт: з доктарскай каўбасой. На гарачае прыгатую гусака або качку. Шыкоўная, ідэальная навагодняя страва — нічога рабіць не трэба, толькі закінуць фаршаваную яблыкамі, сумессю з салодкага перцу і мёда качку ў чыгунную качачніцу на 3 гадзіны".
Таксама Яна ўспомніла самы яркі Новы год у сваім жыцці: "Мой дзядуля пры Савецкім Саюзе ездзіў у замежныя камандзіроўкі, і адтуль абавязкова штосьці прывозіў. Чаканне падарункаў стварала для мяне адчуванне навагодняга цуду. Калі я пачала жыць самастойна, кожны Новы Год быў феерычным адрывам. Міленіўм я сустрэла ў замку Дракулы ў Румыніі. Гэта было вельмі прыгожа. Наша навагодняе падарожжа зацягнулася на тыдзень — з Румыніі мы паехалі ў Венгрыю — мне захацелася зноў убачыць тыя месцы, дзе я правяла дзяцінства. У нас было не вельмі шмат грошай, таму потым нам хапіла толькі на квіток да Кіева, туды мы і паехалі. Гэта было яркае, бязбашанае падарожжа".
